農曆新年大家都會有大大小小唔同嘅傳統習俗,例如大掃除、壓歲錢、派利是🧧等等。而農曆新年並唔單只係我地嘅專利,喺亞洲唔同嘅國家都同樣有唔同嘅新年傳統習俗。

 

🇰🇷 韓國:

韓國人十分著重喺新年前回家探親👨‍👩‍👧‍👦,所以大部分店舖都會喺新年除夕開始休息。而佢地嘅團年飯都必須係親自下廚並喺屋企食🏠。

 

🇻🇳 越南:

越南嘅農曆新年又叫做元旦節,係越南人最重視嘅節日,所以當地嘅法定假期由除夕開始到初五。而且佢地會喺大年初一拜祭祖先🙏🏻,並同屋企人一齊食方形嘅粽。

 

🇵🇭 菲律賓:

喺新年嘅午夜時份家家戶戶都會喺凌晨12點放煙花或者按車喇叭🔊,相傳噪音可以趕走厄運。另外小朋友如果想長高就必須喺跨年嘅時候跳起,跳得越高就長得越高。

 

🇸🇬 新加坡:

當地嘅農曆新年習俗眾多,「撈魚生」就係其中之一,將唔同顏色嘅蔬菜切絲並加上魚生片同醬汁。大家會一齊撈起魚生🥢,而且會叫住「撈起撈起」嘅吉祥語,象徵越撈越「掂」👍🏻!

 

了解完以上幾個亞洲國家嘅新年傳統,你又覺得邊個地方新年最特別呢?

(小編就覺得越南最特別,特別多假期⋯⋯😂)